Seldu okkur kröfuna.
Greiðsla strax er í boði á tilteknum flugfélögum.
Var fluginu seinkað, það fellt niður eða yfirbókað? Flugfélagið kann að skulda þér 250, 400 eða 600 evrur. Við kaupum gildar kröfur og greiðum kaupverðið ýmist strax eða þegar innheimta tekst. Kannaðu málið strax — við svörum hratt.
Þetta greiðum við fyrir gilda kröfu
Bætur flugfélagsins eru 250, 400 eða 600 evrur á farþega. Okkar kaupverð er lægra — það er þóknunin. Greiðsla strax er aðeins í boði á tilteknum flugfélögum.
| Vegalengd | Dæmi | Bætur flugfélags | Kaupverð strax * | Kaupverð við innheimtu |
|---|---|---|---|---|
| Allt að 1.500 km | Reykjavík – Þórshöfn | 250 € | 125 € | 172,50 € |
| 1.500–3.500 km | Keflavík – flest Evrópuflug | 400 € | 200 € | 276 € |
| Yfir 3.500 km | Keflavík – Norður-Ameríka | 600 € | 300 € | 414 € |
Fjárhæðir eru á hvern farþega. * Kaupverð strax er aðeins í boði á tilteknum flugleiðum, að undangengnu mati. Seinkun þarf að jafnaði að vera a.m.k. 3 klst. (4 klst. á flugi yfir 3.500 km). Sama gildir að meginstefnu um niðurfelld flug og yfirbókanir. Krafa getur náð allt að fjögur ár aftur í tímann. Ekki er tekin afstaða til kaupa fyrr en umsókn hefur verið metin.
Þrjú skref — þú borgar ekkert nema þú fáir greitt
Þú sendir inn umsókn og framselur kröfuna. Við metum kröfuna og samþykkjum kaupin ef við teljum kröfuna uppfylla skilyrði um bótaskyldu og okkar skilmála.
Sendu inn umsókn
Skráðu þig inn með rafrænum skilríkjum og sláðu inn flugnúmer og dagsetningu. Þetta tekur um 3 mínútur.
Lögmaður metur kröfuna
Við sannreynum flugið og metum bótaskyldu samkvæmt reglugerð (EB) nr. 261/2004. Síðan færðu tilkynningu strax um næstu skref.
Þú samþykkir og færð greitt
Að meginstefnu greiðum við kaupverð þegar innheimta tekst. Á tilteknum flugleiðum bjóðum við upp á greiðslu strax.
Þegar flugfélagið hafnar, höldum við áfram
Flugbætur er þjónusta ESJA Legal ehf. Almenn innheimtufyrirtæki gefast oft upp þegar flugfélagið hafnar bótaskyldu — við gefumst ekki upp fyrr en í fulla hnefana. Við höfum réttindi til málflutnings fyrir íslenskum dómstólum og notum þau þegar þörf krefur.
- Starfandi lögmaður fer yfir hverja umsókn
- Málflutningsréttindi fyrir héraðsdómstólunum, Landsrétti og Hæstarétti Íslands
- Þegar við kaupum kröfuna strax færist áhættan af innheimtunni til okkar — þú borgar aldrei neitt nema þú fáir greiðslu
- Mál eru aldrei höfðuð í þínu nafni — við rekum málin í nafni HF15 ehf., sem kaupir kröfurnar og ber áhættuna af öllum mögulegum kostnaði
Reglugerð (EB) nr. 261/2004 mælir fyrir um fastar bætur vegna seinkunar, niðurfellingar og yfirbókunar á flugi til eða frá EES, að uppfylltum skilyrðum. Bæturnar eru óháðar verði flugmiðans.
Við kaupum kröfuna — við innheimtum hana í eigin nafni. Munurinn á því sem flugfélagið greiðir í bætur og því sem við greiðum fyrir kröfuna er þóknunin okkar.
Bætur eru á farþega — ekki á bókun
Fjögurra manna fjölskylda í Ameríkuflugi getur átt fjórar kröfur. Umsóknin er ein. Forráðamaður ólögráða einstaklinga auðkennir sig með rafrænum skilríkjum.
Flug frá 2022 og síðar geta enn verið innan frests. Grafið upp bókunarstaðfestinguna og kannið málið.
Dæmi: Keflavík – Boston, 4 farþegar, gild krafa
Algengar spurningar
Hvað kostar þjónustan?
Þú greiðir okkur ekkert fyrir að láta reyna á innheimtu — aðeins ef krafan er tekin gild og þá ef þú færð greitt. Þóknun okkar er mismunurinn á bótum flugfélagsins og kaupverðinu sem þú færð. Kaupverðið er birt í töflunni hér að ofan.
Er greiðsla strax alltaf í boði?
Nei. Við kaupum aðeins tilteknar kröfur strax — það ræðst einkum af því hvaða flugfélag á í hlut og hvort krafan stenst okkar mat.
Hvenær fæ ég greitt?
Að meginstefnu greiðum við kaupverð þegar innheimta gagnvart flugfélaginu tekst. Á tilteknum flugleiðum bjóðumst við til að kaupa kröfuna strax, að undangengnu mati. Útgreiðsla sama dag er þá í boði að uppfylltum skilyrðum.
Hvað þarf ég að leggja fram?
Flugnúmer, dagsetningu og afrit flugmiða eða bókunarstaðfestingar. Svo innskráir þú þig með rafrænum skilríkjum. Við sannreynum seinkun og aðstæður flugsins í aðgengilegum fluggögnum eftir því sem kostur er.
Hvað ef flugfélagið neitar?
Hafi krafan verið seld okkur er innheimtan — þ.m.t. málarekstur ef þörf krefur — á okkar áhættu og þú þarft ekki að hafa áhyggjur af því að á þig falli nokkur kostnaður. Fari málið fyrir dóm greiðum við út bæturnar sama dag og málið vinnst og bætur hafa verið greiddar.
Get ég fallið frá samningi?
Nei, ekki er hægt að falla frá samningi eftir að hann hefur verið samþykktur og krafa framseld. Þegar þú samþykkir tilboð okkar tekur framsalið gildi og innheimtuferlið hefst strax í nafni HF15 ehf. Með framsalinu færist eignarréttur kröfunnar yfir til HF15 ehf. og því er ekki unnt að afturkalla samninginn eða draga umsóknina til baka eftir á.
Hversu gamalt má flugið vera?
Kröfur fyrnast almennt á fjórum árum. Flug frá 2022 og síðar geta því enn komið til skoðunar.
Kannaðu réttinn.
Innskráning með rafrænum skilríkjum.